Më 13 korrik 2024, shumë emocione, krenari dhe festë në tempullin e dijës së Kolegjit AMECC “Rezonanca”. Së bashku me ju, studentët tanë absolventë, prindër dhe të afëm, si dhe mysafirët e nderuar, gëzuam një ditë të veçantë, një ditë promovimi si Absolventë të Gjeneratës 2023/2024.
Rektori Akademik, Akad. Prof. Dr. Arian R. Idrizaj MD , dhe të gjithë anëtarët e Bordit të Kolegjit, kanë qenë udhëheqës të jashtëzakonshëm dhe frymëzues në rrugën drejt dijes dhe suksesit. Përkushtimi, durimi dhe dija e tyre e pafundme janë burim frymëzimi për të gjithë studentët e Kolegjit “Rezonanca”.
Me këtë rast të veçantë, dëshirojmë të shprehim mirënjohjen tonë ndaj stafit akademik dhe administrativ, si dhe studentëve të dalluar të Kolegjit “Rezonanca”, për kontributin e tyre të jashtëzakonshëm dhe përkushtimin në arritjen e kësaj dite të madhe.
Ju urojmë shumë suksese në sfidat e ardhshme dhe jemi krenarë për arritjet tuaja të mrekullueshme. Në emër të të gjithë stafit të Kolegjit AMECC “Rezonanca,” ju përgëzojmë sërish për këtë ditë të madhe dhe shprehim besimin tonë të plotë në të ardhmen tuaj të ndritur.
