Prof. Asoc. Dr. Milazim Gjocaj, Dekan i Fakultetit AMECC “Rezonanca”, zhvillon vizita zyrtare në dy universitete prestigjioze në Turqi
Prof. Asoc. Dr. Milazim Gjocaj, Dekan i Fakultetit AMECC “Rezonanca”, realizoi vizita zyrtare në dy universitete të rëndësishme të Turqisë me qëllim zgjerimin e bashkëpunimit ndërinstitucional në fushën e arsimit të lartë dhe kërkimit shkencor.
Vizita e parë u zhvillua në Istanbul University – Cerrahpaşa, konkretisht në Fakultetin e Mjekësisë Cerrahpaşa, ku Prof. Gjocaj u prit nga zëvendësrektorja Prof. Aysegül Batıoğlu Karaaltin.
Më pas, ai vizitoi Yalova Üniversitesi, ku zhvilloi takime me zëvendësrektorët Prof. Dr. Taner Tatar dhe Prof. Dr. Cahit Külekçi.
Takimet u karakterizuan nga mikpritja institucionale dhe një frymë e fortë bashkëpunimi, duke reflektuar vullnetin e ndërsjellë për zhvillimin e partneriteteve strategjike. Palët u dakorduan që bashkëpunimi të përqendrohet në:
-
Shkëmbimin e përvojave akademike
-
Harmonizimin e programeve studimore
-
Mobilitetin e studentëve dhe stafit akademik
-
Zhvillimin e projekteve të përbashkëta kërkimore dhe shkencore
Në kuadër të këtyre iniciativave, pritet që së shpejti të formalizohet një Marrëveshje Bashkëpunimi ndërmjet rektorëve të institucioneve respektive, e cila do të shërbejë si bazë për implementimin e aktiviteteve të përbashkëta akademike dhe shkencore.
