Më 19–20 Shtator 2025, Kolegji Rezonanca mori pjesë në Konferencën Ndërkombëtare të Shkencave Mjekësore – ICMS25 në Hotel Sirius, Prishtinë. Ky event mblodhi profesionistë shëndetësorë nga Kosova, Shqipëria, SHBA, Zvicra, Mali i Zi, Maqedonia e Veriut, Turqia, Gjermania, Italia dhe Bosnja & Hercegovina, duke shërbyer si një platformë për shkëmbimin e dijes, përvojave dhe ideve inovative që ndikojnë në avancimin e sistemit shëndetësor.
Pjesëmarrja e Kolegjit Rezonanca dëshmon përkushtimin tonë për zhvillimin profesional dhe krijimin e lidhjeve ndërkombëtare që forcojnë arsimin dhe praktikat mjekësore në Kosovë.
