Me licencimin e institucioneve arsimore private, Ministria e Arsimit, Shkencës dhe Teknologjisë së Kosovës mundësoi pasurimin e sistemit të tanishëm arsimor nga lëmenjtë e ndryshëm, në mesin e të cilave edhe të shkencave mjekësore. Me këtë Ministria ka paraqitur koncepte krejtësisht të reja të arsimimit mjekësor të shekullit XXI.Si institucion do të bëjmë të gjitha përpjekjet, që nëpërmjet bashkëpunimit me institucionet relevante nacionale dhe ndërkombëtare, të arrijmë reputacionin e nevojshëm si institucion i arsimit të lartë, i cili do të vazhdojë të ofrojë, të promovojë dhe të zhvillojë programe dhe shërbime kualitative, sipas standardeve ndërkombëtare.
Në një periudhë prej vetëm pesë vitesh veprimtarie institucioni ynë po dëshmohet si qendër e rëndësishme e arsimimit mjekësor në Kosovë. Aktivitetet në këtë Institucion përfshijnë aktivitetet arsimore në nivelin e profesioneve mjekësore, si në: lëmin e mjekësisë, stomatologjisë, farmacisë, fizioterapisë dhe radiologjisë diagnostike. Jemi krenar për faktin se zbatojmë programe mjekësoretë reformuara dhe të përshtatura nevojave të kujdesit mjekësor dhe zhvillimit më të mirë profesional.
Lexo më shumë
Kolegji “Rezonanca” është themeluar më 12 maj 2003, nga Akademik Prof. Dr. Ramadan Idrizaj, në pajtim me Ligjin mbi Arsimin e Lartë të Kosovës nr.2003/14, në fillim si Universiteti i Shkencave Mjekësore “Rezonanca” me gjithsej pesë Fakultete: Mjekësi e Përgjithshme, Stomatologji, Farmaci, Radiologji Diagnostike dhe Fizioterapi.
Në kuadër të Kolegjit funksionon edhe Spitali i Përgjithshëm “Rezonanca”, me seli në Prishtinë, rr. Mbreti Zog, nr. 1.
Më 30.12.2008 bashkohet me Kolegjin “ILIRIA”, si njësi akademike e saj.
Më 13.07.2015 akreditohet si Kolegj i Shkencave Mjekësore “Rezonanca”, për periudhën trevjeçare (1 tetor 2015-30 shtator 2018).
Nga 18.01.2016 nënshkruan marëveshje me Alma Mater Europaea për përfshirje në këtë rrjetë të institucioneve akademike, si kampus i ri i saj.
